Mokgwa wa tlwaelo wa go ja ditlolwane e ka ba mohlomongwe di sa butšwa ka dilaeng goba di apeilwe ka potoro, oli goba ya merogo. Ditlolwane gape di ka omišwa, tsa tsentšhwa ka bolekaneng, tsa dirwa lerole le go dirwa ka go ba digwaša, disoso tše beakantšego pele le disopo.
Ditlolwane tša go omišwa di tsentšhwe meetse gape ka meetseng goba go ka morong di sa le lerole la go oma di ka gašwa ka dijong tša go swana le disopo le disoso. Ditlolwane di ka tswakiwa ka dinokong le go inelwa ka binikeng le go kopanywa ka ditswaki tša go swana le beine, oli, binika, konofele, mešunkwane le senoko. Sekgomaretši sa tlolwane (ditlolwane tše ritlilwego, oli, matokomane, mešunkwane le dinoko) ka kakaretšo di šomišwa bjalo ka bogodimo bja borotho le phasta, le bjalo ka ya go felesetša dinama tše besitšwego.
Dišweletšwa tše dingwe tša go amana le tllwane di akaretša mogwapa wa tlolwane, letlalo la tlolwane le ditlabakelo tša go ipshalela tlolwane. Segwapa ka tlwaelo ke nama ye e omilego ya bonoko ye e dirilwego ka nama ye e ripilwego ya goinellwa ka dinokong. Segwapa sa tlolwane ke setlatša mpa sa go gwerana le merogo se se dirilwego ka ditlolwane tša go omišwa sa go tswakiwa le dinoko tša go swana le shiitake goba ditlolwane tša dikgetla.
Letlalo la tlolwane le gola go tšwa go mycelium (mouta wa go swana le medu) gomme e tšea dibeke tše pedi go gola go fihlela ka bogolong bja maemo a mokgopha wa kgomo. Ditlabakelo tša go ikgodisetša ditlolwane di akaretša mašobana le bofase go godiša shiitake, ditlolwane tša enoki le dikgetla.
Ditlelwana gape di hwetšagala bjalo ka ditlaleletšo tša maphelo tša go thekga mašole a mmele, kofi ya tlolwane le ditlolwane tša cordyceps di šomišwa ka tlhokomelong ya letlalo.
Go Ja Ditlolwane Bjang
Ditlolwane tše dingwe di ka lewa di sa butšwa ka diselaeng eupša ditlolwane tša dintšhi di apewa ka oli, potoro goba makhura a merogo. Go dumelwa gore go beša le go apea ditlolwane ka maekroweifi ke sa maphelo go apea ditlolwane.
Ge o apea ditlolwane baaepi ba šišinya go oketša letswai le pherefere mafelelong a tshepedišo ya go apea. Go oketša letswai ge o le gare o apea ditlolwane go ka gogela seela ka ntle gomme seo se ka nanyiša tshepedišo ya go ba botsothwa.
Phopholego ye koto ya bonama le tatso ya umami ya ditlolwane e ka e dira e be ya maleba bjalo ka setšea legato la nama ka dijong tša baja merogo fela. Ditlolwane di ka godimo ka guanylate, ye nngwe ya metswako yeo e thušago go natefiša tatso ya umami. Tatso ya umami ya oketšega bjalo ka ditlolwane tša konope tše botsothwa di butšwa go ya go ditlolwane tše koto tša botsothwa (portabella). Ditlolwane tša shiitake tše foreše le shiitake ye omišitšwego di na le bontšhi bja metswako ya tatso ya umami.
Poloko ya Ditlolwane
Go bolela nnete, ditlolwane di swanetše go bolokwa ka masakaneng a pampiri go mona monola ofe goba ofe o ka bopegago ge dithempheretšha di fetoga ka nako ya poloko. Bophelo bja šelofo bja ditlolwane bo mo magareng a matšatši a malano ga ya go a šupa, eupša ka mehla o reke ditlolwane tše tiilego - dithito tše telele tša bosepontšhe (ka Agaricus spp) gantšhi ke seka sa ditlolwane di lego gausi le mafelelo a bophelo bja tšona bja šelofo.
Manyoro a Tlolwane
Ka ntle le go tšweletša ditlolwane tša go lewa, tšweletšo ya ka thoko ya mohola ya temothuo ya ditlolwane ke manyoro a šomišitšwego a tlolwane. Manyoro a tlolwane a dirwa ka mohlaka, manyoro a dikgogo, jipsam le meetse. Ka morago ga puno ya ditlolwane, manyoro a šomišitšwego, a ka šomišwa ka mabung go kaonafatša tsenelelo ya meetse, bokgoni bja go boloka meetse, go thuša go ntšha mpholo mabung a nago le mpholo le go oketša bokaakang bja diteng tša dibolang mabung.
Manyoro a tlolwane a somišitšwego a ka ba le matswai le sedirišwa sa go se tsepame sa dibolang, ka fao e swanetše go tšwela pele go nontšhwa go kgontšha go tsenywa maleba ka mabung le tšhomišo ya dimaekropo tša mabu.
Ditherafole ke Eng
Ditherafole, ke mouta wa ka fase wa go buna, ke sejo sa botshe sa go ruta so ga tura seo se melago ka fase ga maemo a mabu e kgethegilego gomme gantšhi a sepelelana le medu ya mohlare. Go na le mehuta ye mentšhi ya ditherafole gantšhi e melago ka dileteng tše itšego gomme di amanago le mehlare ye itšego. Go fa mohlala, therafole ya boso e hwetšwa kgauswi le mehlare ya moeike, tšheri le dimake ka seleteng sa Périgord sa Fora.
Bontšhi bja ditherafole tše di lemilwego di tšwa ka Spain, eupša ditherafole di ka bunwa ka lošekeng.
Go na le go lema go go rilego ga therafole ka Aforika Borwa. Go lema go thibetšwe ka mafelong a themperetšha yamarega ya 8℃ gomme e išitše šedi kudu ka therafoleng ya boso ya ka Périgord go hlabelwa ga mehlare ya moeike.
Translated by Lawrence Ndou